Кратки анимирани филмови

Шетајќи по интернетов, наидов на два интересни корејски кратки анимирани филмови. И си помислив, зошто да не ги споделам со вас!

Се надевам дека ќе ви се допаднат^^*


Eден ден обичен ден

Аларм

Сеулската Н кула и љубовните катанчиња

Во самиот центар на Сеул се издига „планина“ висока околу 262 метри наречена Намсан. На неа гордо се извишува едно од обележјата на оваа метропола- Сеулската Н кула или едноставно Сеулската кула. Тоа што ја прави оваа кула толку посебна и вредна за посета е прекрасниот поглед на буквално целиот град. Навечер ова обсервациско место е преполно со млади парови и туристи кои опуштено уживаат во магичната глетка на точките светло од улиците, движењето на светлата од автомобилите и раѓањето на месечината. Покрај прекрасната глетка, кај Сеулската кула има  и многу атракции како „Музејот на плишени мечиња“, жичарата, рестораните и кафулињата, видиковецот на врвот на кулата итн. 

Мистичната магија на корејските кофишоп местенца

Сте посакале ли некогаш да отидете на мирно местенце налик на дома, каде пиејќи го вашето омилено кафе опуштено ќе си разговарате со пријателите? Или пак, да отидете во една прекрасно креативно уредена просторија каде јадејќи капкејк и пиејќи Американо сконцентрирано ќе се припремате за наредниот испит? Токму тоа, и многу повеќе може да го понудат корејските кофишоп местенца. Голем избор на кафиња кои ќе ве стоплат во зима и разладат во лето, сендвичи и слатки кои задолжително се споделуваат со пријателите, и прекрасна атмосфера во која би посакале да го поминете целиот ден.

Сте слушнале ли за 'Конглиш'?

Една од најинтересните работи кои може да се сретнат во Кореја...па и во било која друга земја во светот, е погрешната употреба на англиски. 

Конглиш е термин кој се однесува на погрешната употреба на англиските зборови во корејски контекст. Но во последно време овој термин покрај зборовите, ги опфаќа погрешно структурираните речници 'измоделирани' на корејски начин. Готовиот производ од оваа мешавина на двата јазика се низа од интересни реченици и изрази кои целосно ја изгубиле својата смисла. Како резултат на тоа, странците во Кореја (и во околните азиски земји) постојано ги ловат овие 'симпатични' грешки.

Каде, како, колку, каква е Јужна Кореја?

Каде се наоѓа?

Корејскиот полуостров е сместен во североисточниот дел на Азискиот континент. Само од една страна го допира копното каде се граничи со Кина и Русија. Долж границите течат две реки: Амнокканг (압록강) , позната како реката Јалу на кинески, и Туманганг (두만강) или реката Тумен на кинески. Последните 16 километри од Туманганг ја формираат границата со Русија. На исток се протега така наречениот „Korea Strait“ кој ги одвојува Кореја и Јапонија.  

Тука е! ^^

Палатата Gyeongbokgung (경복궁)

Во срцето на Сеул, затскриен со планините Bugaksan и Namsan, опкружен со модерни облакодери се наоѓа споменик кој суптилно говори за своето патување низ историјата. Палатата Gyeongbokgung, сега веќе туристичка атракција, била мета на историските турбуленции кои поминале низ оваа област. Но сè уште блеска во полна убавина раскажувајќи ја својата приказна на љубопитните туристи и случајните минувачи.

Chuseok ~ “Корејскиот ден на благодарноста“

Chuseok (추석) е еден од трите најбитни празници во Кореа заедно со Seollal ( Нова година ) и Dano ( петтиот ден од петтиот месец според лунарниот календар). Тој исто така е познат и под името Hangawi (한가위). Chuseok низ историјата бил денот кога земјоделците се заблагодарувале за годишната жетва, и го споделувале своето изобилие со семејството и пријателите. 

Chuseok се празнува на петнаесеттиот ден од осмиот месец според лунарниот календар. Оваа година празникот паѓа на 30 Септември и се празнува 3 дена, од 29 Септември до 1 Октомври. Овие денови луѓето ги користат да ги посетат своите родни места или пак да отидат на кратко патување.

Убавината на корејските ресторанчиња~

Доколку сакате да го почувствувате духот на корејската традиција пренесен преку храната ви препорачувам, доколку имате можност, да ги посетите малите локални корејски ресторанчиња. Во секој дел од градот може да наидете на мали симпатични места кои однавор ќе ви изгледаат можеби и малку застарено. Но во нив, можете да го почувствувате мирисот на зачините и состојките кои се приготвуваат речиси пред вас. Како и во повеќето азиски земји така и во Кореја, во традиционалните ресторанчиња можете да седите на подот. Јас бев фасцинирана од посетеноста на овие мали места во секој период од денот. Луѓето наминуваа сами или со своите пријатели споделувајќи ја храната. Корејците сакаат да ја делат храната со другите, затоа често ќе наидете на ресторани во кои главното јадење е на средината на масата и сите јадат од него. Ваквиот начин на јадење прави да се чувствувате поблиску до луѓето со кои ја споделувате храната. 

Што е Халју (Hallyu)?

Станува збор за еден интересен феномен кој се започнал во деведесетите. Имено, во овие години дошло до неверојатен подем на jужно корејската забавна индустрија и култура во останатите азиски земји. Ширењето на корејските драми и музика автоматски довело до ширење на самата култура. Халју е термин воведен од еден новинар од Пекинг кој бил фасциниран од овој феномен. Денеска, Халју или корејскиот бран се шири со огромна брзина насекаде во светот благодарение на корејската забавна идустрија. Се формираат фан клубови на корејските музичари, се одржуваат огромни концерти, популарноста на корејските драми и филмови се повеќе се зголемува низ целата планета. Ова издигнување на корејската забавна идустрија доведува до поголем интерес за Кореја, корејската култура и потпомага на економијата и политиката во самата земја. А корејците, топло ги поздравуваат сите странци кои се заинтересирани за нивната култура.  Интересно зар не? ^^*

* Патем, во последно време често се зборува за PSY кој исто така има свој придонес во корејскиот бран.....Gangnam Style ... звучи познато? ~.^

За блогот

Здраво!

Ви благодарам што најдовте време да го посетите мојот прв блог!^^*

Навистина посакувам да знаев како да почнам... Веќе подолго време се фрустрирам од мислењето на луѓето за Азија. Не секој, но повеќето воопшто не знаат ништо за разновидноста на азиската култура, различните јазици и земји. Сметам дека тоа произлегува од недоволниот проток на информации. Изгледа како медиумите да се фокусираат на Америка и Европа запоставувајќи ги другите континенти кои се подеднакво интересни. Па така, се решив да создадам место каде што ќе зборувам за мојата страст, Азија, при тоа обезбедувајќи информации на македонски за секој што е заинтересиран да открие нешто повеќе за овие егзотични култури. Но, бидејќи  запознавањето со секоја азиска земја поединечно бара многу време, се решив (засега) да се фокусирам на Јужна Кореа. И би помислиле: Зошто баш Јужна Кореа?.....Затоа што покрај безброј прочитаните статии за Кореа, изгледаните видеа и изучувањето на корејскот јазик...лично имав можност да го почувствувам духот на оваа земја. При мојот престој таму осознав многу работи кои пред тоа не ми беа многу јасни :) и оформив свои мислења и ставови во врска со корејското секојдневие. И така си давам за право да ги споделам моите искуства со вас!:)) Сакам да зборувам за корејската историја, храната, музиката, празници, секојдневните случувања...и се надевам...навистина се надевам дека ќе успеам да ги проширам вашите хоризонти и дека ќе ве мотивирам да погледнете кон еден сосема поинаков свет!^^