Филмски предлог #1

Денеска ќе скршнеме од нашето патување на островот Џеџу и ќе се пренасочиме кон пет различни света креирани за филмското платно. Сакам да ви предложам неколку филмови кои мене ми беше забавно да ги гледам. Нема да коментирам за нивната уметничка вредност или квалитет, тоа ќе оставам да си го процените сами. Сметам дека филмовите се клучен дел во запознавањето на некоја култура, начин на размислување па и секојдневниот живот. Избрав различни жанрови со цел да најдете нешто што би ви прилегало вам. Па, ѕирнете го мојот избор на 5 јужнокорејски филмови за оваа недела: 

#1 – Tae Guk Gi: The Brotherhood of War (2004)

Жанр: воен, акција

Ова е без сомнеж еден од најемотивните филмови што ги имам гледано. Приказната го следи животот на двајца браќа кои се вплеткуваат во суровоста на војната. Дејството се одвива во 1950 година кога северно корејците го окупираат југот.

**Филмот може да го гледате со англиски превод тука:https://www.youtube.com/watch?v=KTg5W1Lgyzo
#2 - Antique Bakery (2008)

Жанр: комедија, драма

„Може ли некој да биде тажен кога јаде торта? “

Интересна комедија пронижена со елементи на трилер. Дефинитивно е забавно да се гледа долколку сте љубител на слатки и згодни дечки! Филмот е базиран на Јапонска манга (стрип) чија атмосфера е совршено доловена.

Филмот може да го гледате со англиски превод тука:http://drama.watchanimeon.com/antique-bakery/the-movie/

#3 - Cinderella (2006)

Жанр: хорор, трилер, мистерија

Искрејно не сум љубител на хорори од проста причина што се страшни. Па, доколку очекувате да биде еден од оние ултра страшни извитоперени азиски хорори нема да ги исполни вашите очекувања. Но иако нема да ви прати морници по телото, филмот е добро изработен и проследува мошне итересна приказна.

Може да го гледате со англиски превод тука :http://www.dailymotion.com video/xtvzgt _cinderella-eng-sub-part-1-of-2_shortfilms

#4 - Forbidden Quest (2006)

Жанр: комедија, романса

Сместен во времето на династијата Чосон еден почитуван писател се вплеткува во пишување на еротски книги. Во тој период пишувањето на такви книги било забрането а самата тема била табу. Интересен филм кој почнува како комедија прелетува преку романтика па стигнува дури и до елементи на тортура.

Може да го гледате со англиски превод тука: http://www.viki.com/videos/174910v-forbidden-quest

#5 – Miss Go (2012)

Жанр: акција, комедија

Супер филмче! Ја проследува приказната на една девојка која случајно застанува измеѓу мафијата и група корумпирани полицајци. Забавно за гледање во придружба на пуканки.

Trailer: https://www.youtube.com/watch?v=6YrYypJOQvY

Може да го гледате со англиски превод тука: https://www.youtube.com/watch?v=rHV0jGUxlzM



Уживајте! ^^*